काठमाडौं । मधेश प्रदेशका मुख्यमन्त्री जितेन्द्र सोनलले विश्वासको मत नपाउने निश्चित भएपछि पदबाट राजीनामा दिएका छन्। उनले सभामुख रामचन्द्र मण्डलसमक्ष राजीनामा बुझाएका हुन्।

आजै प्रदेशसभामा मुख्यमन्त्रीले विश्वासको मत लिने कार्यक्रम तय भएको थियो र यसका लागि प्रदेशसभा बैठक पनि डाकिएको थियो। तर, विश्वासको मत प्राप्त नहुने देखिएपछि मुख्यमन्त्री सोनल प्रदेशसभा बैठकबाट बाहिरिएका थिए।