पोखरा । कर्मचारी सहकारी संस्था लिमिटेडको १८ औँ वार्षिक साधारण सभा तथा अधिवेशन शनिबार सम्पन्न भएको छ। गण्डकी प्रदेशको कृषि, भूमि व्यवस्था तथा सहकारी मन्त्रालयका सचिव बासुदेव रेग्मीको प्रमुख आतिथ्यमा उद्घाटन समारोह सम्पन्न भएको हो।

अधिवेशनले नयाँ सञ्चालक समिति र लेखा सुपरिवेक्षण समिति सर्वसम्मत रूपमा चयन गरेको छ। सञ्चालक समितिको अध्यक्षमा पदमबहादुर घिमिरे, उपाध्यक्षमा सुरेशकुमार श्रेष्ठ, सचिवमा डिल्लीराम रेग्मी र कोषाध्यक्षमा गोपाल शर्मा निर्वाचित भएका छन्। समितिका सदस्यहरूमा सुमन शर्मा, चित्रा ढकाल, शिवराज बराल र केदार धमला रहेका छन्।

त्यसैगरी, लेखा सुपरिवेक्षण समितिको संयोजकमा हेरम्ब पौडेल चयन भएका छन् भने सदस्यहरूमा सीता बराल र धनराज पराजुली रहेका छन्।