पोखरा।  भद्रकाली बचत तथा ऋण सहकारी संस्था लिमिटेड, पोखरा-१३ को सातौँ साधारणसभा तथा तेस्रो अधिवेशन शनिबार सम्पन्न भएको छ। अधिवेशनले सर्वसम्मत रूपमा नयाँ कार्यसमिति चयन गरेको छ।

नवनिर्वाचित कार्यसमितिका पदाधिकारीहरूमा अध्यक्षमा बाबुराम सापकोटा, उपाध्यक्षमा सन्तोष थापा, सचिवमा नीलकण्ठ सिग्देल र कोषाध्यक्षमा पुरुषोत्तमराज घिमिरे रहेका छन्। यसैगरी, सदस्यहरूमा सन्तोष गुरुङ, पदम श्रेष्ठ, देवीबहादुर गुरुङ, बिनकुमारी गुरुङ, गीता अधिकारी भण्डारी, गीता लौडारी र पदमकुमारी गुरुङ निर्वाचित भएका छन्।

लेखा सुपरिवेक्षण समिति संयोजकमा कृष्णराज भट्टराई चयन भएका छन् भने सदस्यहरूमा कृष्णप्रसाद सुवेदी र सन्जय कोइराला रहेका छन्।

साधारणसभाले आर्थिक वर्ष ८१/८२ का लागि सञ्चालक समितिबाट प्रस्तुत अध्यक्ष, सचिव, कोषाध्यक्ष र लेखा सुपरिवेक्षण समितिका संयोजकको प्रतिवेदन पारित गरेको छ।

कार्यक्रममा जेष्ठ नागरिक सम्मान, उत्कृष्ट बचतकर्ता सम्मान र उत्कृष्ट कारोबार सम्मान पनि प्रदान गरियो ।

संस्थाका अध्यक्ष डा. दीपकराम सुवेदीको अध्यक्षतामा सम्पन्न यस कार्यक्रमका प्रमुख अतिथि जेष्ठ सदस्य तोयनाथ सुवेदी थिए। निर्वाचन मण्डलका संयोजक संस्थापक अध्यक्ष किरणराज घिमिरे थिए भने सदस्यहरूमा मधुरा श्रेष्ठ र हस्तबहादुर थापा रहेका थिए ।

कार्यक्रममा स्वागत मन्तव्य संस्थाका उपाध्यक्ष नरबहादुर गुरुङले प्रस्तुत गरेका थिए भने संस्थापक अध्यक्ष किरणराज घिमिरेले शुभकामना मन्तव्य दिएका थिए। कार्यक्रमको सञ्चालन सचिव बाबुराम सापकोटाले गरेका थिए।