लेखनाथ ।

नेपाल रेडक्रस सोसाईटी कास्कीकाे आयाेजनामा चार दिने आधारभुत प्रथामिक उपचार तालिम सुरु भएकाे छ।

पोखरा महानगरपालिका वडा नम्वर १० देखि १५ सम्म र २६ देखि ३३ सम्मका उपशाखा, मादी र रुपा गाउँपालिकाका उपशाखाका प्रतिनिधीहरुलाई विपद् तथा दुर्घटनाका समयमा अपनाउनुपर्ने उपचारका विधी र तरिकाका बारेमा तालिम प्रदान गर्न लागिएकाे हाे ।

मंसिर २० गतेसम्म चल्ने तालिमको बुधवार सुभारम्भ गर्दै नेपाल रेडक्रस सोसाईटी कास्की शाखाकी सभापति उर्मिला खड्काले आपत विपद् थाह दिएर नआउने भएकाले त्यसका लागि पूर्व तयारी अपनाउनु पर्ने बताइन् ।

प्रत्येक उपशाखामा आधारभुत प्रथामिक उपचारका विषयमा जानकार जनशक्ति उत्पादनका लागि तालिम आयोजना गरिएकाे उनकाे भनाइ छ ।

कास्की शाखाका उपसभापति रमा न्यौपानेले विपदका समयमा हुनसक्ने सम्भावीत घटनालाई मध्यनजर गरेर आधारभुत प्राथमिक उपचारका बारेमा जानकारी पुर्‍याउन सकेमा कम क्षेती हुने बताइन् ।

पोखरा महानगरपालिका वडा नं २७ का वडासदस्य सूर्यबहादुर वाग्लेले कोही पनि नागरिकले अकालमा ज्यान गुमाउन नपरोस् भनेर वडाले पनि विपद ब्यवस्थापन समिति गठन गरि बजेटको ब्यवस्थापन गरेको बताए ।

लेखनाथ उपशाखाका सभापति बोधराज लामिछानेको अध्यक्षतामा भएको कार्यक्रममा उपाध्यक्ष रक्षा भटराईले धन्यवाद सहित कार्यक्रमको उद्देश्य र उपयोगिताका बारेका जानकारी गराएकी थिइन् । उपशाखाका सचिव प्रभा पौडेलले कार्यक्रम संञ्चालन र सदस्य विष्णुकुमारी लामिछानेले सात सिद्धान्त पाठ वाचन गरेकी थिइन् ।

तालिममा नवराज भण्डारी, राजेश घिमिरे, मोहनशिंह खड्का र लिला देवकोटाले प्रशिक्षण दिनेछन् ।