पोखरा । पोखरा १० रामघाटमा अवस्थित प्यारामाउन्ट पब्लिक स्कुलले शनिबार २७ औं अभिभावक दिवस मनाएको छ । कार्यक्रममा गण्डकी विश्वविद्यालयका कुलपति प्राडा ईन्द्रप्रसाद तिवारीले मानव जीवनमा शिक्षाको अहम् महत्व रहने जनाए ।

कार्यक्रममा शिक्षक दीर्घ सेवा सम्मान, नर्सरीदेखि कक्षा १० सम्मका विद्यार्थीका सांस्कृति प्रस्तुति राखिएका थिए । विद्यालयले प्रत्येक २ वर्षमा अभिभावक दिवस मनाउने गरेको छ । विद्यालयका प्रिन्सिपल श्रीमान गुरुङले प्यारामाउन्ट पब्लिक स्कुलले २७ वर्षदेखि शिक्षाको क्षेत्रमा छुट्टै इतिहास रचेको जनाए । विद्यालय सञ्चालक समिति सदस्य दिलमाया गुरुङले भविस्यमा अझ सशक्त भई विद्यालय अघि बढ्ने उल्लेख गरिन् ।