पोखरा । गायिका शान्ति श्रीष मगरको स्वरमा रहेको ‘युके बस्ने दाइ…’ बोलको गीतको म्युजिक भिडियो सार्वजनिक गरिएको छ । सुरेश रानामगरको रचना रहेको गीतमा पुरुष आवाज सागर आलेको छ ।

गीतकार प्रतिष्ठानद्वारा शुक्रबार आयोजित कार्यक्रममा कवि तथा गीतकार रमेश श्रेष्ठले भिडियो सार्वजनिक गरेका हुन् । शान्तिको गीतले आम नेपाली जनजीवनलाई छुने विश्वास व्यक्त गर्दै श्रेष्ठले भिडियोमा प्रस्तुत गरिएिको मौलिकपनले नेपाली पहिचान बोकेको बताए ।
गायिका तथा मोडल शान्ति श्रीषमगरले बागलुङको गलकोटबाट पोखरा आएर गीत सङ्गीतका क्षेत्रमा गरेको संघर्षका चरणबारे स्पष्ट पारेकी थिइन् ।

तत्कालीन परिस्थितिमा संगीतसम्बन्धी औपचारिक ज्ञान नभए पनि रेडियो सुनेकै भरमा संगीतप्रति अनुराग बढेको अनुभव उनले सनाइन् । उनका यसअगि फूल जस्तै मेरो जोवन, जूनतारा, गल्छी झरेसि, बसे पर्खेर लगायतका गीत सार्वजनिक भएका छन् ।

भिडियोमा शान्तिसँगै विजय पुन, चाहना राना मगर र आश्विन राना मगरको अभिनय छ । प्रतिष्ठानका अध्यक्ष अनुराग अधिकारीको अध्यक्षतामा भएको कार्यक्रममा पोखरेली युवा सांस्कृतिक परिवारका पूर्वअध्यक्ष उपेन्द्र पौडेल, भिडियोका निर्देशक तथा मोडल विजय पुन, प्रतिष्ठानका सचिव रुपिन्द्र प्रभावी लगायतले बोलेका थिए ।