पोखरा । पोखरा महानगरपालिकाले दुईजना ज्येष्ठ नागरिकलाई ‘महानगर मातापिता’ घोषणा गरेको छ । महानगरले आफ्नो ६७औँ स्थापना दिवसका अवसरमा बुधबार उनीहरूलाई सम्मान गर्दै यो उपाधि दिएको हो ।

सम्मानित हुनेमा पोखरा–२८ आरुपाटाकी १०४ वर्षीया झ्याउरी तिमिल्सिना र पोखरा–३२ डाँडाखर्कका १०४ वर्षीय काशीनाथ पण्डित छन् । उनीहरू दुवैको उमेर १०४ वर्ष पुगेको छ ।

समारोहमा गण्डकी प्रदेशका मुख्यमन्त्री सुरेन्द्रराज पाण्डे र महानगर प्रमुख धनराज आचार्यले उनीहरूलाई दोसल्ला र सम्मानपत्रद्वारा सम्मान गरेका थिए । सोही अवसरमा उनीहरूलाई महानगरको मातापिता घोषित गरिएको महानगरले जनाएको छ ।