पोखरा ।

नेकपा एमालेको सचिवमा पद्मा अर्याल निर्वाचित भएकी छन् । ११औं महाधिवेशनमा अर्याल महिलाबाट एकमात्र पदाधिकारी निर्वाचित भएकी छन्। उनी १५३० मत प्राप्त गरि सचिव पदमा निर्वाचित भएकी हुन्। उनी यसअघि पनि एमाले सचिव नै थिइन्।

यसपाली एमालेको ११ औँ महाधिवेशनमा विभिन्न पदाधिकारी पदका लागि ४ जना महिलाको उम्मेदवारी दिएका थिए। महिलाबाट सचिवमा रचना खड्का र पेम्बा लामाले पनि उम्मेदवारी दिएका थिए। खड्काले ८७७ र लामाले ४९४ मत ल्याएका छन्।