पोखरा ।
नेपाल परिवार नियोजन संघ कास्कीले कास्कीको मादी गाउँपालिका वडा नं १० स्थित भाचोकमा अभिमुखीकरण आयोजना गरेको छ ।

संघले महिला सामुदायिक स्वास्थ्य स्वयंसेविका र आमा समूहको नेतृत्वका लागि परिवार नियोजन र यौन तथा प्रजनन् स्वास्थ्य विषयमा अभिमुखीकरण गरेको हो ।

ग्रामीण तथा दुर्गभ क्षेत्रलाई लक्षित गरी कार्यक्रम गरिएको सभापति नवीन सिग्देलले जानकारी दिए । भाचोक स्वास्थ्य चौकीमा आयोजित कार्यक्रममा ४० जनाको सहभागिता थियो ।

कार्यक्रममा भाचोक स्वास्थ्य चौकी व्यवस्थापन समिति अध्यक्ष नरबहादुर गुरुङले आफ्नो क्षेत्रमा कार्यक्रम गरेकोमा खुसी व्यक्त गरे ।

नेपाल परिवार नियोजन संघ कास्की सभापति सिग्देलको अध्यक्षतामा भएको कार्यक्रममा वरिष्ठ शाखा प्रवन्धक नवराज तिवारी, भाचोक स्वास्थ्य चौकीका प्रमुख दीपक तिवारी, स्टार्फ नर्स अन्जना भण्डारीले पनि बोलेका थिए ।