पोखरा ।
यती एयरलाइन्सले पोखरा चेम्बर अफ कमर्स कास्कीका सदस्यलाई हवाई भाडामा १० प्रतिशत छुट दिने भएको छ । त्यसका लागि दुबै पक्षबीच सहमति पत्रमा हस्तास्क्षर भएको छ ।

चेम्बरको तर्फबाट अध्यक्ष उमराज बास्तोला र एयरलाइन्सको तर्फबाट पोखरा कार्यालयका प्रमुख राम लामिछानेले सहमतिपत्रमा हस्ताक्षर गरेका छन् । पोखरा चेम्बरका अध्यक्ष बास्तोलाले संस्थाले उद्योगी, व्यवसायीको हकहितका अलवा सदस्यको सेवा, सुविधाको लागि विभिन्न योजना ल्याएको बताए ।

यती एयरलायन्स पोखरा प्रमुख लामिछानेले व्यवसाय प्रवद्र्धनका क्रममा विभिन्न पेशागत संघ, संस्थासँग सम्झौता गरी हवाई यात्रामा छुटको व्यवस्था गरेको जानकारी दिए । पोखरा चेम्बरले नेपाल मणिपाल शिक्षण अस्पताल पोखरासँग स्वास्थ्य परीक्षण योजनामा सहमतिसमेत गरेको छ ।

कार्यक्रममा पोखरा चेम्बर अफ कमर्स कास्कीका निवर्तमान अध्यक्ष यमनाथ पौडेल, उपाध्यक्ष श्यामकुमार मल्ल, महासचिव गोकर्ण अधिकारी, सचिव सीमा कोईराला यतीले ल्याएको योजनाका बारेका बोलेका थिए ।