पोखरा । पर्यटकीय सहर पोखराबाट जापानिज प्रविधिको फुजी ब्रान्डको एलिभेटर (लिफ्ट) बिक्री हुने भएको छ । जापानिज प्रविधि र चीनमा कोलाब्रेट गरिएको फुजी ब्रान्डका एलिभेटर र एक्सेलेटरका लागि पोखरामा एलिभेटर टेक नेपाल पोखराले चाउथेमा सोरुम खोलेको छ ।
फुजीका एलिभेटर र एक्सेलेटरको नेपालका लागि आधिकारिक बिक्रेता एलिभेटर टेक नेपाल मणिपाल शिक्षण अस्पतालका सञ्चालक आनन्द बतासले सुरुआत गरे । नेपालमा एलिभेटर खरिद गर्दा विभिन्न समस्या उत्पन्न भरहँदा फुजीले पोखरामा नै नेपालको लागि आधिकारिक डिलर सञ्चालन गरेकोमा उनी खुसी व्यक्त गरे ।

ग्राहकलाई सामाग्री बिक्री गर्नुभन्दा पनि ती सामाग्री र बिक्रीपछिको सेवामा ध्यान दिन आवश्यक रहेको बतासले सुझाए । समाजसेवी रामजी बास्तोलाले पोखराबाट लिफ्ट (एलिभेटर) किन्नका लागि काठमाडौं धाउनुपर्ने बाध्यता हटेको भए पनि त्यसको सर्भिसिङ र सामग्रीका लागि समेत फुजीको डिलरले ध्यान दिनु आवश्यक रहेको औंल्याए ।

एलिभेटर टेक नेपालका टेक्निकल डिपार्ट हेड रमेशराज अधिकारीले फुजीका एलिभेटर र एक्सेलेटरका लागि आधिकारिक बिक्रेता पोखरामै भएकाले कुनै समस्या आएमा पोखराबाटै सर्भिसको व्यवस्था हुने जनाए । एलिभेटर टेक नेपालका सञ्चालक मोहनप्रसाद ढकालले नेपालमा गुणस्तरीय एलिभेटरहरु भित्रयाउन लागिपरेको सुनाए । आगामी दिनमा फुजी एयरकन्डिसनर, एसीसमेत बिक्री गर्ने लक्ष्य रहेको ढकालले बताए ।

सो अवसरमा फुजी कम्पनीका प्रमुख पेङ र कम्पनीका बिक्री प्रमुख मेलिसाले फुजीका नयाँ एलिभेटरहबारे जानकारी दिएका थिए ।