पोखरा ।
राजनीतिक विश्लेषक झलक सुवेदीलाई मातृशोक परेको छ । उनकी आमा शारदाको ८६ वर्षमा गत माघ २९ गते काठमाडौंमा निधन भएको हो ।

कास्कीको मादी गाउँपालिका वडा नम्बर १० भाचोक, काउरे घर भएको सुवेदी परिवार अहिले काठमाडौं बस्दै आएको छ । दिवंगत शारदा भाचोक काउरेका सुवेदी परिवारका ज्येष्ठ सदस्य हुन् । शारदाको १९९६ साल मंसिर २ गते जन्म भएको हो ।

माइती लमजुङ चिसंकु भएकी शारदाको साहित्य, राजनीति र सामाजिक क्षेत्रमा योगदान रहेको छोरा झलक सुवेदीले जानकारी दिए । शारदाले २०४६ सालको आन्दोलन, मदन भण्डारी, विद्यार्थी मास्ने, छोराको पुर्जी आउँदा, बसाई जाँदा, तीर्थको धोको, देउ देउताको सम्झना, टाढा जाने छोराको सम्झना लगायत कविता लेखेकी छिन् । उनका छोराहरु गंगाप्रसाद, झलक, दीपकप्रसाद, गान्धीप्रसाद छन् ।