पोखरा । पोखरा महानगरपालिका वडा नम्बर २० भलामको आयोजना, महेन्द्र मावि भलामको व्यवस्थापन तथा जीवन विज्ञान परिषद् कास्कीको सहकार्यमा शिक्षा तथा पूर्ण स्वास्थ्यका लागि स्वजागरण, सुख, शान्ति र समृद्धिको जागरण कार्यक्रम शुक्रबार भयो ।

कार्यक्रममा रमेश नेपालले शिक्षित र स्वस्थ हुन आफूभित्रको क्षमता चिन्न जरुरी हुने बताए ।

पोखरा २० का वडाध्यक्ष गंगाबहादुर खत्रीको अध्यक्षतामा भएको कार्यक्रममा शिक्षा विकास निर्देशनालय गण्डकी प्रदेशका महानिर्देशक अम्बिकाप्रसाद आचार्य, पोखरा महानगरपालिकाका शिक्षा महाशाखाका अधिकृत जीवन रेग्मी, विन्ध्यवासिनी मावि विद्यालय व्यवस्थापन समिति अध्यक्ष सन्दीप थापा, महेन्द्र मावि विद्यालय व्यवस्थापन समिति अध्यक्ष चित्रबहादुर क्षेत्री, प्रधानाध्यापक बोधराज पौडेल लगायतले बोलेका थिए ।