पोखरा। गण्डकीका इन्जिनियरको क्षमता बढाउन नेपाल इन्जिनियर्स एसाेसिएसन गण्डकी प्रदेश र बर्जर पेन्ट्सका बीचमा १ वर्षे  सम्झौता भएको छ ।

यस एसोसिएसनले  २०८१ भदौ २८ गते निर्वाचित भयर आयपछि इन्जिनियर र इन्जिनियरिङ छेत्रमा विविध कार्यक्रम गर्दै आयको छ। निर्माण क्षेत्रमा क्रियाशील २ हजार ३ सय भन्दा बढी इन्जिनियर एसाेसिएसनमा आवद्ध छन् ।  सम्झाैता अनुसार १ वर्ष भित्रमा बर्जर पेन्ट्सले ८ लाख रुपैयाँ इन्जिनियरहरुकाे सीप अभिवृद्धिमा र पाेखरामा रहेका ३ वटा ईन्जिनियरिङ कलेजहरुमा अध्ययनरत विद्यार्थीहरुकाे सीपमूलक तालिममा खर्च गर्ने छ । एसाेसिएसनका अध्यक्ष सन्ताेष जिसी र बर्जर पेन्ट्सका कन्ट्री मेनेजर राजिव राेयबीच मंगलबार पोखरामा सम्झौता पत्रमा हस्ताक्षर सम्पन्न भएको छ  ।

कार्यक्रममा बोल्दै राजिव  राेयले पेन्ट्स र यसकाे प्रयाेगबरे जानकारी दिँदै रङ्ग  मिलाएर लगाउन जाने लामाे समय सम्म टिक्ने हुनाले तालिम प्राप्त पेन्टरबाट लगाउनु पर्नेमा जाेड दिए । साेहि कार्यक्रममा एसाेसिएसनका पूर्व अध्यक्ष रमेश बास्ताेलाले कार्यक्रमकाे सफलताकाे शुभकामना व्यक्त गरेका थिए । एसाेसिएसनका अध्यक्ष सन्ताेष जिसीकाे अध्यक्षतामा सम्पन्न कार्यक्रममा स्वागत मन्तव्य उपाध्यक्ष विशाल थापा र सञ्चालन सहसचिव मञ्जु शिलाकारले गरेकाे सदस्य महेन्द्र पाैडेलले जानकारी दिए ।