पोखरा ।

समाधान मिडिया प्रालिबाट प्रकाशित समाधान राष्ट्रिय दैनिक पत्रिका सम्मानित भएको छ । राष्ट्रिय समाचार समितिको ६४ औै स्थापना दिवसका अवसरमा राससले नियमित र उत्कृष्ठ सेवाग्राहीका रुपमा पत्रिकालाई सम्मान गरेको हो ।

बुधबार रासस कै केन्द्रीय कार्यालयमा आयोजित एक समारोहकाबीच सञ्चार तथा सूचना प्रविधि मन्त्री पृथ्वी सुब्बा गुरुङले समाधान दैनिकलाई सम्मान पत्र प्रदान गरे । सो सम्मान पत्र समाधान दैनिकका काठमाण्डुस्थित प्रतिनिधि दीपा रेग्मीले ग्रहण गरेकी थिइन् ।

सम्मान समारोहमा राससका अध्यक्ष धर्मेन्द्र झा, महाप्रवन्धक सिद्धराज राई लगायतका व्यक्तित्वहरुको उपस्थिति थियो ।