पोखरा ।
बुद्व विशाल बजार व्यापारिक एसोसियसन पोखरा ४ ले प्रजातन्त्र दिवसको उपल्यक्ष्यमा एसोसियसनको लोगो अंकित झण्डा र राष्ट्रिय झन्डा झण्डोत्तोलन गरेको छ । एसोसियसनका मानार्थ सदस्य तथा उच्च स्तरीय समन्वय समितिका संयोजक केशवबहादुर खत्रीले फागुन ७ गते प्रजातन्त्र दिवसको दिन सबै नेपालीका लागि विशेष दिन भएको बताए ।

खत्रीले अहिलेको आर्थिक मन्दीको विषम परिस्थितिमा आफ्नो व्यवसाय टिकाउनु नै व्यवसायीको अहिलेको मुख्य चुनौती रहेको बताए । उनले अहिलेको अवस्थामा भाडामा सकिन्छ घटाएर नत्र यथास्थितिमा राखेर व्यवसाय बचाउनका लागी घरधनीहरूलाई आग्रह गरे । कार्यक्रममा बुद्व विशाल बजार व्यापारिक एसोसियसनका सल्लाहकार माधव सिग्देलले बुद्व विशाल बजारका व्यवसायीका लागि पनि मंगलबार एतिहासिक भएको बताए ।

एसोसियसनका अध्यक्ष ईन्द्रराज अर्यालको सभापतित्वमा भएको कार्यक्रममा एसोसियसनका उपाध्यक्ष बुद्विबहादुर कुँवर, महासचिव राजु केसीले पनि बोलेका थिए । कार्यसमिति सदस्य ईन्द्रमाया गुरूङले ससुरा शेरबहादुर गुरूको स्मृतिमा एसोसियसनको छात्रवृत्ति कोषका लागि पाँच हजार रूपियाँ एसोसियसनका अध्यक्ष ईन्द्रराज अर्याललाई हस्तान्तरण गरिन् ।