पोखरा ।

पोखरा महानगरपालिकाका मेयर धनराज आचार्य अस्पतालबाट डिस्चार्ज भएका छन् । अस्पतालमा भेटघाट गर्न आउनेहरुको संख्या धेरै हुन थालेपछि त्यसबाट जोगाउन उनलाई डिस्चार्ज गर्न लागिएको हो ।

घाटी र हातको घाउ दैनिक रुपमा ड्रेसिङ गर्नुपर्छ, भेटघाट बढी हुँदा ईन्फेक्शनको डर भएकाले अस्पतालले गोप्य ठाउमा बस्न सुझाउदै आजै डिस्चार्ज गरेकाे हाे- मेयर आचार्यले समाधानसँग भने ।

सुगरका कारण उनको घाउ सन्चो हुन समय लागिरहेको छ । सुगर भएका मानिसको घाउ संक्रमण हुने खतरा धेरै हुन्छ । धेरै भेटघाटले संक्रमणको खतरा बढाउछ । आचार्य अझै कम्तिमा हप्ता दिन काठमाण्डु मै रहेर उपचार जारी राख्नेछन् ।

पोखरा भ्रमण वर्ष-२०२५ उद्घाटन समारोहमा बेलुन पड्कदा मेयर आचार्य र संघीय सरकारका अर्थमन्त्री विष्णु पौडेल घाईते भएका थिए । पौडेल यसअघि नै डिस्चार्ज भैसकेका छन् ।