पोखरा

गण्डकी स्वजागरण उत्सव कार्यक्रम पूर्वनिर्धारित समयतालिका अनुसार नै फागुन १० गते बिहान ११ः०० बजे पोखरा रंगशालाभित्रको आर्चरी खेल मैदानमा हुने भएको छ । आयोजकले वैकल्पिक स्थानको व्यवस्थापन गर्दै कार्यक्रम समयमै सञ्चालन हुने जानकारी गराएको छ ।

पोखरा रंगशालामा आयोजना गर्न लागिएको विराट् चक्र विज्ञान कार्यक्रम भने मौसम तथा प्राविधिक कारणले सोही स्थानमा सञ्चालन गर्न नसकिने भएको छ । आयोजकका अनुसार वैकल्पिक स्थान तोकी कार्यक्रम फागुन ११ गते पूर्वनिर्धारित समयमा नै सञ्चालन हुनेछ ।

वैकल्पिक स्थानको क्षमतालाई ध्यानमा राख्दै, २०८१ फागुन ६ गते साँझ ६ बजेसम्म दर्ता गरी क्युआर कोड प्राप्त गरिसकेका सहभागीहरूलाई मात्र कार्यक्रममा सहभागी गराइने भएको छ । दर्ता प्रक्रियामा रहेका अन्य महानुभावहरूको हकमा भने उपयुक्त वैकल्पिक मिति र स्थान तय गरी नाम दर्ता गराइने जानकारी दिइएको छ । आयोजकले स्थान परिवर्तनका कारण पर्न गएको असुविधाप्रति क्षमायाचना गर्दै सहभागीहरूको समझदारी, सहयोग र धैर्यताप्रति आभार व्यक्त गरेको छ ।