पोखरा । आगामी चैत १४ देखि १७ सम्म पोखराको प्रदर्शनी केन्द्रमा हुने नाडा प्रिजेण्टस् वाडा अटो सोको तयारी तीव्र पारिएको छ । त्यसका लागि वाडाले बिहीबारदेखि बुकिङ खुला गरेको छ ।

गएको पुस २० गते काठमाडौंमा नाडालेसंस्थागत (प्रदेश) सदस्य पश्चिमाञ्चल अटोमोवाइल डिलर्स एसोसिएसन (वाडा) का पदाधिकारी तथा सदस्यबिच पोखरामा पहिलो पटक वाडा अटो सो आयोजना गर्नेबारे अन्तक्र्रिया गरेको थियो । यस वर्ष पहिलो पटक पोखरामा वाडा अटो सो आयोजना गर्न लागिएको हो ।

नाडा प्रिजेन्टस् वाडा अटो सोमा २ पाङग्रे, ३ पाङग्रे, ४ पाङग्रे, लाइट कमर्सियल, हेभी कमर्सियल तथा मेसिनरी इक्युप्मेन्ट्स्, वित्तीय संस्था, इन्स्योरेन्स, अटो कम्पोनेन्ट्स् एवं ग्यारेज उपकरणलाई समूह अनुसार छुट्टाइएको हुँदा सोही अनुरुप रजिस्ट्रेसन गरिनेछ ।

वाडा अध्यक्ष दीपेन्द्र कोइरालाले अर्थतन्त्रमा राजस्व संकलन र रोजगारी सृजनाका लागि विषेश योगदान पु¥याउँदै आएको सवारी साधन क्षेत्रमा संलग्न उद्योगी, व्यवसायी, कर्मचारी एवं आम उपभोक्तालाई सोले सकारात्मक ऊर्जा भर्ने अपेक्षा गरिएको छ । नाडाले सम्भाव्यता अध्ययन गरी प्रदेश एसोसिएसनहरुमार्फत नेपालका मुख्य सहरहरुमा अटो प्रदर्शनी आयोजना गर्ने जनाएको छ ।