पोखरा ।
आगामी शनिबार पोखरामा कविता कन्सर्ट हुने भएको छ । विदेश अध्ययन परामर्श संथा अप्लाई पार्टनरको आयोजनामा पोखरा ट्रेडमलस्थित क्लासिक चुल्होमा कवि नवराज पराजुलीले कविता सुनाउन लागेका हुन् ।

कविता कन्सर्ट शनिबार दिउँसो १ बजेबाट ३ः३० बजेसम्म चल्ने आयोजक अप्लाई पार्टनरका निर्देशक अरुण पौडेलले जानकारी दिए । कविता कन्सर्टको तयारी अन्तिम चरणमा पुगेको आयोजकले जनाएको छ ।

पराजुलीको कवितामार्फ युवावर्गलाई कविता तथा साहित्यतर्फ आकर्षित गर्ने उद्देश्यले आयोजित कार्यक्रममा दुई सय जनाको सहभागिता रहने जनाईएको छ । हालसम्म एक सयभन्दा बढी टिकट बिक्री भइसकेका छन् । टिकटको मूल्य पाँच सय रुपैयाँ कायम गरिएको छ ।

कार्यक्रमका लागि होटल क्राउन पोखरा, लिंकेज ट्राभल एन्ड टुर्स लगायतका व्यावसायिक संस्थाहरुले सहयोग गरेको छ । कार्यक्रमबाट संकलित रकम सामाजिक सेवामा खर्च गरिने निर्देशक पौडेलले बताए । टिकट बुकिङका लागि ९८५६००२३५४ वा ९८१७१०१९३९ मा सम्पर्क गर्न सकिन्छ ।