काठमाडौं । आफ्ना ग्राहकका आवश्यकता पूरा गर्न नवीनतम सेवा, सुविधाहरु प्रदान गर्ने एनसेलले ‘सधैं अन १७९९ रोमिङ’ प्याक ल्याएको छ । यो सम्पूर्ण प्याकेज हो, जसले नेपालभर निर्बाध रुपमा सेवाको प्रयोग, मनोरञ्जन सुविधाका साथै भारत यात्रा गर्नेहरूका लागि विशेष फाइदा गर्छ ।

२८ दिनसम्म मान्य रहने यो प्याकमा नेपालभर कल गर्न सकिने अनलिमिटेड अल–नेट टक टाइम, १०० जिबी उच्च गतिको डेटा, अनलिमिटेड युट्युब, बिमा सुविधा, र रोमिङ सुविधा (डेटा र भ्वाइस) समावेश छन् । जसले यात्रुहरूलाई चिन्तामुक्त यात्राको अनुभव लिनका लागि मद्दत गर्दछ ।

यसले ग्राहकहरूलाई आफ्नो यात्राका दौरान बिना कुनै अवरोध र अतिरिक्त खर्च निर्वाधरुपमा सेवाको उपलब्धता सुनिश्चित गर्दछ । भारत भ्रमणका बेलामा ग्राहकहरुले यस प्याकमा ६ सय एमबी रोमिङ डेटा, १० मिनेट आगमन कल र १० मिनेटको बाह्य कल (भारतभित्रै र नेपाल कल गर्न सकिने) सेवा प्राप्त गर्दछन् । यसबाहेक यो प्याकले भारत भ्रमण गर्दा कुनै दुर्घटना भएमा १ लाखसम्मको अस्पताल भर्ना र ओपिडी खर्च समेट्छ ।

करसहित १७९९ शुल्क रहेको यो वान टाइम प्याकले सधैं अनका सेवा, सुविधा, रोमिङ सेवा, र बिमा सुविधा सहितको ग्राहकलाई आवश्यक सञ्चार सेवा र बिमासहितको सुरक्षा प्रदान गर्दछ । ग्राहकहरूले एस्ट्रिक१२३एष्ट्रिक७एष्ट्रिक६ह्यास डायल गरेर सहजै यो प्याक लिन गर्न सक्छन् ।

ग्राहकहरूलाई उत्कृष्ट मूल्य र सहजता प्रदान गर्न सधैं अन रोमिङ प्याक प्रशस्त डेटा, अनलिमिटेड कल र मनोरञ्जनका लागि विकल्पहरूसहित ल्याइएको एनसेलका चिफ कमर्सियल अफिसर उमेर मोहसिनले बताए ।
यो सधैं अन रोमिङ सुविधासँगै, एनसेलले भारतमा भ्रमण गरी राख्नुपर्ने ग्राहकका लागि उनीहरुका भ्रमणका बेला कनेक्टिभिटीको अनुभवलाई अझ प्रभावकारी बनाउन उदेश्य राखेको छ । देशभित्रै प्रयोग गर्नका लागि उच्च परिमाणका सेवा, सुविधाका साथै थप रोमिङ सुविधासँग समायोजन गरी एनसेलले विदेश यात्रामा पनि सधैं अन रहन र सम्पर्कमा रही रहन सहजता प्रदान गर्दछ ।