पोखरा । गण्डकी प्रदेश सरकारको मन्त्रीस्तरीय निर्णय अनुसार कास्की जिल्ला खेलकुद विकास समितिको अध्यक्षमा मिलन गुरुङ सिफारिस भएका छन्। रिक्त रहेको समितिका लागि गरिएको निर्णयअनुसार गुरुङलाई नेतृत्वका लागि छनोट गरिएको हो।

त्यसैगरी, उपाध्यक्षमा तिलक अधिकारी, सचिवमा अन्जु केसी, तथा कोषाध्यक्षमा विग्नेश थापालाई सिफारिस गरिएको छ।

मिलन गुरुङ गण्डकी प्रदेश फुटबल संघका वरिष्ठ उपाध्यक्ष तथा कास्की जिल्ला फुटबल संघका पूर्वअध्यक्ष हुन्। उनको नेतृत्वकालमा पोखरा रंगशालामा फुटबल रंगशाला निर्माण सम्पन्न भएको थियो।