पोखरा ।
काठमाडाैंकाे तीनकुनेमा राजावादी समूहद्वारा आयोजित हिंसात्मक प्रदर्शनसँग सम्बन्धित घटनामा संलग्न रहेको आरोपमा एनी कुँवर पक्राउ परेकी छन् । प्रहरीले उनलाई साेमबार नियन्त्रणमा लिएकाे हाे ।

प्रहरीका अनुसार, पत्रकार सुरेश रजकको शव भेटिएको भवनबाट एनी कुँवर तल झर्दै गरेको भिडियो सामाजिक सञ्जालमा सार्वजनिक भएपछि उनीमाथि अनुसन्धान थालिएको हो। पत्रकारको मृत्यु भएको र उस्तै समयमा उनी झर्दै गरेको देखिएकाले सोधपुछका लागि उनलाई ल्याइएको प्रहरीले बताएकाे छ ।

उनीमाथि निजी सम्पत्तिमा अनाधिकृत प्रवेश गरेको आरोप पनि लगाइएको छ।
१५ चैतमा दुर्गा प्रसाईंको नेतृत्वमा भएको प्रदर्शन हिंसात्मक बनेको थियो। प्रदर्शनमा दुई जनाको मृत्यु भएको र झण्डै २० जना प्रहरीको गोलीबाट घाइते भएका थिए।