पोखरा ।
अन्तर्राष्ट्रिय होम एप्लाएन्स् ब्रान्ड बेकोले नयाँ वर्ष २०८२ को उपलक्ष्यमा विशेष उपहार योजना सार्वजनिक गरेको छ । बेकोका विभिन्न सामान किन्दा ४१ हजार ४ सयसम्म बचत गर्ने मौका र आकर्षक क्यास ब्याक उपहार योजना ‘अनबक्स् ह्याप्पिनेश’ भन्ने नाराका साथ ल्याइएको हो ।

बेकोका रेफ्रिजरेटर, वासिङ मेसिन, एयर कन्डिसनर, डिसवासर तथा फ्रि स्टेंडिङ ओभनको खरिद गर्दै ग्राहकले विभिन्न आकर्षक उपहार तथा हरेक खरिदमा आकर्षक बचत पाउन सक्ने छन् । आधुनिक प्रविधिको उत्कृष्ट गुणस्तरका सामानका साथै शत प्रतिशतसम्म पार्ट्स् उपलब्धता तथा सर्भिस् ग्यारेन्टी कम्पनीले दिएको छ ।

यस योजना अन्तर्गत बेको सिंगल डोर रेफ्रिजरेटरको खरिदमा आकर्षक क्यासब्याक, डबल डोर रेफ्रिजरेटरमा निःशुल्क क्रम्पटन ड्राइ आइरन, वासिङ मेसिनमा ६ केजी एरियल म्याटिक, एयर कन्डिसनरमा निःशुल्क जडान, डिसवासरमा २ प्याकेट डिसवासर किट तथा फ्रि स्टेंडिङ ओभनमा सि.जी. प्रेसर कुकर जित्ने अवसर छ ।

यो योजना चैत २४ देखि सीमित अवधिका लागि नेपालभर लागू गरिएको छ । सिजी इलेक्सको वेबसाईटमा गई पुराना सामानहरु एक्सचेन्जसमेत गर्न सकिने कम्पनीले जनाएको छ ।