बागलुङ । बागलुङको ताराखोला गाउँपालिका वडा नम्बर ३ का वडाध्यक्ष मृत भेटिएका छन् । ताराखोला गाउँपालिका ३ काँक्राखोर बस्ने ५० वर्षीय कर्णबहादुर भण्डारी बुधबार बिहान मृतावस्थामा भेटिएका हुन् ।

भण्डारी घरदेखि ५० मिटर उत्तरमा रहेको गोठमा झुण्डिएको अवस्थामा भेटिएको प्रहरीले जानकारी दिएको छ । घटनाबारे थाहा पाएपछि इलाका प्रहरी कार्यालय ताराखोलाका प्रहरी नायव निरीक्षक विष्णुप्रसाद शर्माको कमाण्डमा गएको टोलीले मृतकको उद्दार गर्नुको साथै थप अनुसन्धान सरु गरेको छ।

बुधबार बिहान साढे ११ बजेतिर भण्डारी मृत भेटिएका थिए । गत स्थानीय निर्वाचनमा भण्डारी माओवादीबाट वडाध्यक्षमा निर्वाचित भएको थिए ।