पोखरा । पोखरा १९ घार्मी मैदानमा रहेको भूमे मैदान बहुउद्देश्यीय सामुदायिक समूहले सफाई अभियान्ता मानध्वज गुरुङलाई सम्मान गरेको छ । समूहले छैठौं वार्षिक साधारण सभाको अवसरमा गुरुङलाई सम्मान गरेको हो ।
पोखरा १९ का वडा सदस्य विकासकुमार आचार्य, कल्पना सुनार र संस्थाका अध्यक्ष बैकुण्ठ पौडेलले गुरुङलाई सम्मान गरेका हुन् । वडा सदस्य आचार्यले ७८ वर्षीय मानध्वजले लगातार चार महिनासम्म निरन्तर आफू एक्लैले बाटो सफा गरी निस्वार्थ कर्मको नमुना पेश गरेको बताए ।

सफाइ अभियन्ता गुरुङले आफू एक दिन घुम्दै आउने क्रममा बाटो झाडीले ढाकेको देखेपछि सफा गर्न सुरु गरेको जनाए । गत वर्ष चार महिनासम्म नियमित खटेर अमलाविसौनी घार्मीअम्बरेश्वर सडक अन्तर्गत घार्मीको उकालो मनध्वज एक्लैले सफा गरेका थिए ।