लेखनाथ । लेखनाथ सामुदायिक प्रहरी सेवा केन्द्र एवं सामुदायिक प्रहरी सेवाले नव वर्ष २०८२ को अवसरमा भित्तेपात्रो विमोचन तथा शुभकामना आदनप्रदान गरेको छ ।

कार्यक्रममा इलाका प्रशासन कार्यालय लेखनाथका प्रमुख श्रीनाथ पौडेलले समाजमा घट्ने घटनाको न्यूनीकरणका लागि प्रहरीसँग सहकार्य गरेर अगाडि बढ्न आग्रह गरे । उनले अपराधमुक्त समाज निर्माणका लागि सामुदायिक सेवा केन्द्रको अवाश्यकता रहेको बताए ।

इलाका प्रहरी कार्यालय डाडाँको नाकका प्रमुख श्रमणकुमार विकले विकृति र अपराध नियन्त्रण गर्नै शान्ति, सुरक्षा कायम गर्न प्रहरीले सामुदायिकसँग सहकार्य गर्दै आएको बताए । लेखनाथ सामुदायिक प्रहरी सेवा केन्द्रकी अध्यक्ष गगांकुमारी खनालको अध्यक्षतामा भएकोे कार्यक्रममा सचिव विनोद थापा,सामुदायिक प्रहरी सेवा केन्द्र पोखराका पूर्व अध्यक्ष मनपति भण्डारी, लेखनाथ उद्योग वाणिज्य संघका अध्यक्ष विनोद श्रेष्ठ, लेखनाथ सामुदायिक सेवा केन्द्रका संस्थापक अध्यक्ष मोती गिरी लगायतले सामुदायिक र प्रहरीको सम्बन्धबारे बोलेका थिए ।