पोखरा ।

नेपाल विद्युतीय व्यवसायी महासंघको १५औं वार्षिक साधारण सभा गण्डकी प्रदेश सरकारका मुख्यमन्त्री सुरेन्द्रराज पाण्डेको प्रमुख आतिथ्यतामा भएको छ ।महासंघका अध्यक्ष रेशम प्रसाद देवकोटाले कार्यक्रममा स्वागत गरेको थिए । उनले स्वदेशी उत्पादन र व्यापारमा चुनौतीका बीचमा व्यवसायीहरूको समस्यामा ध्यान दिनुपर्ने बताए । उनले भने, ‘भन्सार दर कम गरि चोरी पैठारीलाई निरुत्साहित गर्नुपर्ने ।’

मुख्यमन्त्री पाण्डेले व्यवसायको प्रोत्साहनमा प्रदेश सरकारको सहयोगको प्रतिबद्धता गरे । ‘व्यवसायलाई प्रोत्साहन गर्ने हो, निजी क्षेत्रलाई सहजीकरण दिने हो,’ मुख्यमन्त्री पाण्डेले भने । गण्डकी प्रदेशमा लगानीमा रोकावट भएको खण्डमा कानुनी संशोधनको तयारी रहेको मुख्यमन्त्री पाण्डेले बताए । नेपाल उद्योग वाणिज्य महासंघका कार्यसमिति सदस्य हरि बहादुर कार्किले विद्युतीय व्यवसायीलाई परेको समस्यामा समाधान खोज्ने प्रतिबद्धता जनाए ।

सारदा ग्रुपका निर्देशक पवन कुमार सारदाले व्यवसायीहरूलाई प्रोत्साहन गर्ने कार्यक्रम ल्याउने र समस्याका समाधानका लागि पहल गर्नुपर्ने आवश्यकता औँल्याए ।महासंघको १५औं वार्षिक साधारण सभाले आगामी वर्षको कार्य योजनासहित आर्थिक प्रतिवेदन र विधान संसोधन प्रस्तावलाई अनुमोदन गरेको छ ।