पोखरा ।

जिल्ला प्रहरी कार्यालय कास्कीको पहलमा अपराध अनुसन्धानमा संलग्न प्रहरी कर्मचारीहरूको क्षमता अभिवृद्धि गर्ने उद्देश्यले सात दिने कल विवरण विश्लेषण (सिडिआर विश्लेषण) सम्बन्धी अनुशिक्षण तालिम सम्पन्न भएको छ।

२०८२ साल वैशाख ३१ गतेदेखि सुरु भएको तालिममा जिल्ला प्रहरी कार्यालय कास्की तथा मातहतका अनुसन्धान शाखा र सादा पोशाकमा खटिने प्रहरी कर्मचारीहरूलाई कल विवरण विश्लेषण, सम्बन्ध सञ्जाल विश्लेषण (लिंक एनालाइसिस), सूचनागत चित्रण (आई–टु प्लट), तथा मोबाइल टावर तथ्यांक विश्लेषण (बिटिएस डाटा विश्लेषण) जस्ता प्रविधिमैत्री अनुसन्धान विधिमा प्रशिक्षण दिइएको हो।

जिल्ला प्रहरी कार्यालय कास्कीका प्रमुख प्रहरी उपरीक्षक श्याम बाबु ओलियाको प्रमुख आतिथ्यमा सञ्चालन गरिएको तालिममा २० जना प्रहरी कर्मचारीहरू सहभागी थिए। तालिमलाई कार्यस्थलमै सिक्ने शैली (अन द जब प्रशिक्षण) को रूपमा सञ्चालन गरिएको थियो।