पोखरा । नेपाल कम्युनिष्ट पार्टी (माओवादी केन्द्र) पोखरा महानगर समितिले जेठ १० गते चिप्लेढुंगामा हुने विशाल जनसभामा ५ हजार नेता कार्यकर्ता उतार्ने भएको छ ।
पार्टीको ‘मध्यपहाडी पुष्पलाल लोकमार्ग जनजागरण अभियान’ अन्तर्गत पोखरामा हुने जनसभालाई पार्टी अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ सहित शीर्ष नेताहरूले सम्बोधन गर्ने कार्यक्रम छ । सोही कार्यक्रममा पोखरा महानगरबाट ५ हजार नेता कार्यकर्ता उतार्ने निर्णय गरिएको तय गरिएको नेपाल कम्युनिष्ट पार्टी (माओवादी केन्द्र) पोखरा महानगर समितिका अध्यक्ष हरिनारायण गिरीले जानकारी दिए ।
पहिला शहीदचोकमा गर्ने भनिएको यो जनसभा अहिले चिप्लेढुंगा हुने भएको हो । कार्यक्रममा पोखराका ३३ वटै वडाबाट प्रतिनिधिहरूको सहभागिता सुनिश्चित गर्न प्रतिनिधि छनोट गरिएको छ । पार्टीको हालै सम्पन्न विस्तारित बैठकले वडागत प्रतिनिधि, स्वयंसेवक परिचालन, प्रचारप्रसार, आतिथ्य, आवास, लेखन तथा रिपोर्टिङसम्बन्धी जिम्मेवारी बाँडफाँड गर्दै विभिन्न समिति गठन गरेको छ ।
जनसभापछिको महानगर सम्मेलन जेठ २४ र २५ गते गर्ने तयारी गरिएको सचिव जनकराज पराजुलीले जानकारी दिए । कार्यक्रमका लागि आवश्यक आर्थिक स्रोत भने पार्टीको आन्तरिक साधनबाट व्यवस्थापन गरिने बताइएको छ ।
सम्मेलनका लागि प्रत्येक वडाबाट ५ जना प्रतिनिधि र ३ जना पर्यवेक्षक छनोट गरिने सचिज पराजुलीले बताए । यस्तै २० जना सदस्य बराबर १ जना थप गर्न पाइने उनले सुनाए । पोखरामा अहिलेसम्म ५ हजार ५ सय ८० पार्टी सदस्य नविरकण भएका जानकारी दिदैं सम्मेलनमा ९९ जना पर्यवेक्षक र ५ सय ५० प्रतिनिधि सहभागी हुने उनले बताए ।