पोखरा ।

पोखरा महानगरपालिका–१ सिम्पानीकी १२ वर्षीया पूर्णिमा तामाङ ६ दिनदेखि सम्पर्क विहीन भएकी छन्। संस्कृत माध्यमिक विद्यालय, बगरमा अध्ययनरत पूर्णिमा गत शुक्रबार विद्यालयबाट घर फर्कने क्रममा सम्पर्कविहीन भएकी हुन्।

पूर्णिमाका बुबा भीमबहादुर तामाङका अनुसार छोरी शुक्रबार दिउँसो विद्यालय छुटेपछि घर नफर्केपछि खोजी सुरु गरिएको थियो। तर, अहिलेसम्म उनी सम्पर्कमा आएकी छैनन्। ‘विद्यालयबाट छुटीपछि घर हिँडेकी थिई, तर अहिलेसम्म कुनै खबर छैन । ६ दिनदेखि आफन्त र साथीहरूसँग सम्पर्क गर्‍यौँ, प्रहरीसमक्ष गयौँ तर अहिलेसम्म छोरीको पत्ता लागेको छैन,’ उनले भने ।

छोरी हराएर वडा प्रहरी कार्यालय बगर पुग्दा प्रहरीले सहयोग नगरेको समेत उनले गुनासो पोखे । बगर प्रहरीलाई खबर गर्दा नदिपुर प्रहरी विटमा पठाएको उनले सुनाए ।

पूणिमालाई कसैले भेटेमा नजिकको प्रहरी कार्यालय वा ९७०८८१३२६४ वा ९८१९१०७०४० मा सम्पर्क गरिदिन उनले अनुरोध गरेका छन् ।