पोखरा ।
पोखरा महानगरपालिका वडा नं २९ मा रहेको यस दीपशिखा बहुउद्देश्यीय सामुदायिक सिकाई केन्द्रको आयोजनामा २ दिने महिला स्वास्थ्यसम्बन्धी सचेतना कार्यक्रम भएको छ ।

संस्थाका अध्यक्ष कृष्णहरि भण्डारीको अध्यक्षतामा भएको कार्यक्रममा पोखरा महानगर कार्यपालिका सदस्य निर्मला पौडेल, पोखरा महानगरपालिकाका शिक्षा महाशाखाका वरिष्ठ अधिकृत कृष्ण भण्डारी, नर्सिङ निरीक्षक प्रतिभा कोइराला चापागाई, सिकाई केन्द्र सचिव होमनाथ पौडेल, कोषाध्यक्ष माधव भण्डारी, सहभागीको तर्फबाट शोभा गिरी र सम्झना सुवेदीले बोलेका थिए ।

पोखरा २९ मा रहेको यस दीपशिखा बहुउद्देश्यीय सामुदायिक केन्द्रले शिक्षा, वितीय साक्षरता कक्षा, स्वास्थ्य ,सरसफाई, सीपमूलक र जीवनोपयोगी तालिम चलाउने गरेको छ ।