पोखरा । विश्व संगीत दिवसको अवसरमा प्रगति माध्यमिक विद्यालय पोखरा १६ बाटुलेचौरमा प्रगति संगीत उत्सव २०८२ भएको छ । विद्यालयले वर्षैपिच्छे सञ्चालन गर्ने सङ्गीत दिवसका कार्यक्रम यो वर्षसगैँ १६ औ संंस्करण पुगेको छ ।

विद्यालयका नृत्य प्रशिक्षक मानबहादुर गुरुङको संयोजकत्वमा प्रगति संगीत उत्सव सञ्चालन भएको हो । २४ प्रस्तुतिमा विद्यालयका शिक्षक विद्यार्थी तथा कर्मचारी गरी ६० ले प्रतिभा देखाए । कार्यक्रममा अभिभावक सञ्चिता तामाङ, यमुना गुरुङ, सन्ध्या बसेल र मीना भण्डारीले पनि बोलेका थिए ।

कार्यक्रममा लोकविधाका गीत, अंग्रजी गीत, आधुनिक तथा पप विधाका विभिन्न गीत प्रस्तुत भएको विद्यालयका सूचना अधिकारी जयराम पौडेलले बताए ।