पोखरा ।
गण्डकी प्रदेशका सांसद श्यामराज महतले सरकारमाथि सांसद विकास कोषलाई प्रत्यक्षरूपमा खारेज गरे पनि घुमाउरो तरिकाले त्यसैको अभ्यास दोहोर्याएको बताए । सोमबार भौतिक पूर्वाधार मन्त्रालयको बजेटमाथिको छलफलमा बोल्दै उनले सांसदकै सिफारिसमा ५०–५० लाखका दुईवटा योजनालाई बजेटमा राखिएको खुलासा गरे ।

‘सांसद विकास कोष नभएको भनिए पनि बजेट भने सांसदले मागेकै योजनामा खर्च गर्नेगरी छुट्याइएको छ,’ महतले भने, ‘पत्रकारले लेख्ने मुद्दा हाल्ने बाटो टारिएको छ । नत्र ती सिफारिसमै बजेट हालिएको छ ।’

सर्वोच्च अदालतले यसअघि सांसद विकास कोष कोषहरूमा सार्वजनिक बजेट विनियोजन नगर्न निर्देशन दिएको थियो । तर अहिले प्रदेश सरकारले त्यसैको नमुना दोहो¥याउँदै ‘घुमाउरो कोष’को अभ्यास गरेको भन्दै आलोचना सुरु भएको छ । यसअघि अहिले गण्डकी सरकारले बजेट निर्माणमा पारदर्शिता, समावेशिता र आवश्यकता हेर्नेभन्दा पनि सांसदको दबाब र सिफारिसलाई प्राथमिकता दिएको छ महतले भने, ‘पहुँचवालाको योजनामा मात्रै खर्च गर्ने हो भने जनताको समस्या कहिल्यै समाधान हुँदैन ।’