पोखरा । पोखरा महानगरपालिका वडा नम्बर १ बगरस्थित पोखरा आदर्श सेकेन्डरी स्कुलले कक्षा ११ मा नवप्रवेश गरेका विद्यार्थीलाई स्वागत गरेको छ । शनिबार विद्यालय परिसरमा भएको कार्यक्रममा १६ वटा सांस्कृतिक नृत्य, बहुभाषिक भाषण र लोक तथा पपगीत प्रस्तुत गरिए ।

कार्यक्रममा प्राचार्य फणीन्द्रप्रसाद अधिकारीले विद्यालयको मूल्य, अनुशासन र शैक्षिक दृष्टिकोणबारे प्रकाश पारे । विद्यालय व्यवस्थापन समिति अध्यक्ष कमलराज सापकोटाको अध्यक्षतामा भएको कार्यक्रममा विद्यालयका निर्देशक नारायण न्यौपानेले पनि बोलेका थिए ।

कक्षा १२ का विद्यार्थीले नेपाली, अंग्रेजी, मगर, गुरुङ, तामाङ र नेवारी भाषामा बहुभाषिक अभिव्यक्ति दिएका थिए । लोकगायक राजन कार्कीको विशेष प्रस्तुतिसमेत रहेको थियो ।
शिक्षकहरूको सुपरिवेक्षणमा विज्ञान संकायका विद्यार्थीले भजन–कीर्तन प्रस्तुत गरे । मनोरञ्जन सत्रको सञ्चालन रश्मि अधिकारी र सुष्मिता बास्तोलाले गरेका थिए ।