लेखनाथ ।

पोखरा महानगरपालिका वडा नम्बर –२६ को आर्थिक सहयोग र स्थानीयको सहभागितामा खरानेफाँट स्थीत पैते फेदीमा बहुउदेश्यीय सामुदायिक भवन निर्माण गरिएको छ ।

तालिम, योगा सेन्टर र जेष्ठ नागरिक दिवा सेवा केन्द्र संञ्चालनमा सहयोग पुग्ने गरी १४ लाख २० हजार लागतमा भवन निर्माण गरिएको हो ।

खरानेफाँट टोल विकास संस्था, त्रिवेणी टोल विकास संस्था, नमुना कृषक आमा समुह र तालवाराही आमा समुहको २ लाख २० हजार र वडा कार्यालयको १२ लाख सहयोगमा भवन निर्माण गरि हो ।

पोखरा २६ का वडाअध्यक्ष नरेन्द्र थापाले स्रोत र साधनकाे कमिले सबै योजनालाई समावेस गर्न नसके पनि नमुना वडा बनाउने योजना रहेकाे बताए । यसका लागि जनताको साथ र सहयोग आवस्यक रहेको विचार राखे । उनले जनताको खुसी नै जनप्रतिनिधीको सन्तुष्टि भएकाले बाँकी रहेका योजनालाई पनि सम्पन्न गरि छाड्ने प्रतिवद्धता व्यक्त गरे ।

भवन निर्माण समितिकी अध्यक्ष अमृता वरालको अध्यक्षतामा भएको कार्यक्रममा वडा नंम्बर –२६का वडासदस्य तिर्थबहादुर राजभाट, भवन निर्माण समितिका सल्लाहकार हरिप्रसाद अधिकारी लगायतले जहाँ आवश्यकता त्यहाँ विकास भन्ने योजना र जनसहभागिता रहेमा वडाकाे विकास हुने बताए ।

भवन निर्माण समितिका सचिव छविलाल लामिछानेले संञ्चालन गरेको कार्यक्रममा स्वागत मन्तव्य उपाध्यक्ष शान्ति पौडेल र भवन निर्माणको आय ब्यय र आवश्यकताका बारेमा नमुना कृषक आमा समुहकी अध्यक्ष विष्णु ढकालले बताइन् ।