पोखरा ।
मोवाइल सामाग्रीको विक्रेता कम्पनी डिएचएन ईन्टरप्राईजेजले मंगलबार पोखरामा ग्रेट रिटेलर मिट गरेको छ ।
पोखराका मोवाइल तथा त्यसका बिक्रेता पसल सञ्चालकहरुको सहभागितामा उक्त कार्यक्रम भएको हो । कार्यक्रममा एम हर्स मोवाइल, केएक्सडी मोवाइल र प्रिमियर एसोसरिजका बारेमा जानकारी दिइएको थियो ।
कार्यक्रममा प्राईड ईम्पोर्ट एक्सपोर्टका सञ्चालक दिनेश श्रेष्ठले पछिल्लो समय एम हर्स, केएक्सडी र प्रिमियरका सामान ग्राहकको रोजाइ पर्दै गएको बताए । यि कम्पनीका प्रतिनिधिहरुसँग सहकार्य गर्दै आगामी दिनमा अझै नयाँनयाँ ब्राण्ड ल्याएर ग्राहक खुसी बनाउने उनको भनाइ थियो ।
नेपाल मोवाईल संघ, गण्डकीका अध्यक्ष देवनारायण श्रेष्ठ, पोखरा ईलेक्ट्रोनिक तथा मोवाईल व्यावसायी संघ, गण्डकीका अध्यक्ष चिन्तामणि खरेललागयतले मोवाइल मानिसको दैनिकीसँग जोडिएकाले कम्पनीहरुले गुणस्तरमा ध्यान दिनुपर्ने बताए ।
डिएचएन ईन्टरप्राईजेजका सञ्चालक विनोद केसीले ग्राहकको सन्तुष्टि नै कम्पनीको खुसी भएकाले ग्राहकमैत्री भएर अघि बढ्ने बताए । सोही अवसरमा उनले प्रिमियर एसोसरिजमा उपहार धमाकाको घोषणा गरे । सो धमाका अन्तर्गत मोवाइलका सामान खरिद गर्ने भाग्यशाली ७ जनाले चाईना टुर (बेईजिङ/संघाई) को अवसर पाउनेछन् ।
साथै, प्राईमड ईम्पोर्ट एक्सपोर्टका राष्ट्रिय बजार व्यवस्थापक राजेन्द्र विष्टले मोवाइलका बारेमा व्यवसायीहरुलाई जानकारी गराएका थिए । सोही अवसरमा २० लाखको प्रिमियर एसोसरिज खरिद गरकाले युनिक एसोसरिजका सञ्चालक अमित घिमिरेलाई टिभिएसको स्कुटर पुरस्का दिइएको थियो ।