पोखरा । रण स्मृति पुरस्कार संस्थाले ३३ औं वार्षिकोत्सवको अवसरमा साहित्यकार सरस्वती श्रेष्ठ ‘सरु’लाई शक्ति पुरस्कार २०८२ बाट सम्मानित गरेको छ । सरुलाई नगद १० हजार, दोसल्ला र सम्मानपत्र प्रदान गरिएको छ ।

कार्यक्रममा साहित्यकार काजी रोशनले नेपाली साहित्यमा विशेष गरी कविता विधामा सरुको योगदान उल्लेखनीय रहेको बताए । लमजुङको मध्यनेपाल नगरपालिका वडा नम्बर ३ सोतीपसलमा जन्मिएर पोखरालाई कर्मथलो बनाएर बनाउने सरु ४० को दशकदेखि साहित्यमा क्रियाशील छिन् ।

उनका थुँगा थुँगा जिन्दगानी, एक झुल्को घाम ओर्लेर सडकमा, फूलहरुको आँधी, किट्टी जस्ता कृति प्रकाशित छन् । कार्यक्रममा कमल बोहोरा, सीता नेपाली र नवीन शर्मा र नवराज गौतमले पनि बोलेका थिए । सरु यसअघि डेढ दर्जन जति पुरस्कार र सम्मानबाट विभूषित भइसकेकी छन् ।