पोखरा ।

नेपालको प्राविधिक शिक्षा क्षेत्रको विकासमा महत्त्वपूर्ण सहयोग गर्दै दक्षिण कोरिया सरकारले गण्डकी प्राविधिक शिक्षालयको भौतिक संरचना निर्माण तथा स्तरोन्नतिका लागि अनुदान उपलब्ध गराउने भएको छ ।

अर्थ मन्त्रालयको वैदेशिक सहायता समन्वय महाशाखाले दिएको जानकारीअनुसार, उक्त सहयोगसम्बन्धी औपचारिक समझदारीपत्रमा आज हस्ताक्षर हुँदैछ । गण्डकी प्राविधिक शिक्षा तथा व्यावसायिक तालिम प्रतिष्ठान अन्तर्गत सञ्चालित उक्त शिक्षालयको समग्र विकासका निम्ति कोरियाले एक अर्ब २५ करोड रुपैयाँ बराबरको अनुदान सहयोग गर्न लागेको हो ।

यो सहयोगले शिक्षालयको भौतिक पूर्वाधारमा उल्लेख्य सुधार ल्याई गुणस्तरीय प्राविधिक जनशक्ति उत्पादनमा महत्त्वपूर्ण भूमिका खेल्ने अपेक्षा गरिएको छ ।