पोखरा । महाकाव्यकार माधव वियोगी नेपाल लाइब्रेरी फाउन्डेसनद्वारा सञ्चालित गृहपुस्तकालय अभियानका लागि गण्डकी प्रदेश संयोजकमा छानिएका छन् । पुस्तकालय सञ्चालन र स्थापनामा समेत लामो समयदेखि क्रियाशील रहेका र आफ्नै नाममा माधव वियोगी पुस्तकालय स्थापना गरेका वियोगीलाई संस्थाले संयोजकको जिम्मेवारी दिएको हो ।

नेपाल लाइब्रेरी फाउन्डेसनका महासचिव धनकुमार श्रेष्ठले गण्डकी प्रदेशका मनाङ, मुस्ताङ, लमजुङ, तनहुँ, नवलपुर, कास्की, पर्वत, गुल्मी, म्याग्दी, गोर्खा र स्याङ्जा जिल्लामा संयोजकहरू तोकी केन्द्रमा पठाउने र त्यसपछि घरघरमा पुस्तकालय निर्माणमा जुट्ने जनाए ।
संयोजक वियोगी छन्द बचाऊँ अभियान–२०५३ का सञ्चालक हुन् । उनका १० महाकाव्यसहित ४२ कृति प्रकाशित छन् ।