काठमाडौं । युरोपको नम्बर १ होम अप्लायन्स ब्रान्ड बेकोले दसैं–तिहारको अवसर पारेर आफ्ना उपभोक्ताका लागि ‘परम्परा खुसीयाली, ब्लिसफुल दसैं यसपालि’ नामक आकर्षक अफर सार्वजनिक गरेको छ । यस योजनाअन्तर्गत उपभोक्ताले बेकोका उत्पादन खरिद गर्दा ४१ हजार ४ सय रुपैयाँसम्मको बचतका साथै विभिन्न पक्का उपहारहरू प्राप्त गर्न सक्नेछन् ।

सिजी इलेक्ट्रोनिक्सले नेपालभरका आफ्ना सोरुम तथा अधिकृत बिक्रेता नेटवर्कमार्फत यो अफर उपलब्ध गराएको छ । कम्पनीका अनुसार उपभोक्ताले बेकोका आधुनिक र भरपर्दो उपकरण खरिद गर्दा ठूलो आर्थिक लाभ लिन सक्नेछन् । बेकोका उत्पादनमा १०० प्रतिशत स्पेयर पाट्र्स उपलब्धता र सेवा ग्यारेन्टीका साथै १२ वर्षसम्मको वारेन्टी सुविधा पनि उपलब्ध रहेको सीजी इलेक्ट्रोनिक्सले जनाएको छ ।

यस योजनाअनुसार बेकोको वासिङ मेसिन खरिदमा ६ किलोग्रामको एरियल डिटर्जेन्ट, डिस वासर खरिदमा २ प्याकेट डिसवासर ट्याब्लेट उपहार स्वरूप पाइनेछ । त्यस्तै, रेफ्रिजेरेटर खरिद गर्ने ग्राहकले आकर्षक नगद छुट र मायाडियाको फ्यान हिटर प्राप्त गर्नेछन् । फ्री स्ट्यान्डिङ ओभन खरिदमा सीजीको प्रेसर कुकर र एयर कन्डिसनर खरिदमा निःशुल्क जडानको सुविधा उपलब्ध गराइएको छ ।

बेकोले होम विज ब्लुटुथ कनेक्सन प्रविधि सहितका आधुनिक उपकरणहरू बजारमा ल्याएको छ, जसले उपभोक्ताको जीवनलाई अझ सहज र रमाइलो बनाउने कम्पनीको दाबी छ ।

उपभोक्ताको सुविधाका लागि सीजी इलेक्ट्रोनिक्सले शून्य प्रतिशत ईएमआई (किस्ताबन्दी) र एक्सचेन्ज सुविधा पनि लागू गरेको छ । ग्राहकले नागरिकताको आधारमा बिना झन्झट शून्य प्रतिशत ईएमआईमा सामान खरिद गर्न सक्नेछन् । साथै, पुराना घरायसी सामानहरूलाई उचित मूल्याङ्कनमा एक्सचेन्ज गर्ने सुविधा पनि उपलब्ध छ । यो विशेष अफर भदौ १९ गतेदेखि नेपालभरका सबै सीजीका शोरुमहरू र आधिकारिक बिक्रेताहरूमा उपलब्ध रहेको कम्पनीले जानकारी दिएको छ ।