काठमाडौं — नेपाली सेनाले मुलुकभर जारी कर्फ्यु अवधि बढाएको छ । सेनाले बुधबार बिहान विज्ञप्ति जारी गर्दै बिहीबार बिहान ६ बजेसम्म कर्फ्यु लागू हुने जनाएका छन् । त्यसपछि परिस्थितिको मूल्यांकन गरेर मात्रै अर्को निर्णय हुने विज्ञप्तिमा उल्लेख छ ।

कर्फ्यु र निषेधाज्ञाको अवधिमा अत्यावश्यक सेवाका सवारी साधन सञ्चालन गर्न सकिने व्यवस्था गरिएको छ । एम्बुलेन्स, शववाहन, दमकल, स्वास्थ्यकर्मी तथा सुरक्षाकर्मीका सवारी साधन यातायातमा बाधा नहुने सेनाले स्पष्ट पारेको छ ।

जनतालाई सहज बनाउन नजिकै खटिएका सुरक्षाकर्मीहरुसँग आवश्यक समन्वय गर्न समेत सेनाले आग्रह गरेको छ ।