पोखरा ।

नेपाल टेलिकमले तीन दिनका लागि नि:शुल्क डेटा र भ्वाइस कल सेवा उपलब्ध गराएको छ ।

यो सेवा हिजो रातिदेखि सक्रिय भएको हो । नेपाल टेलिकमका प्रवक्ता रवीन्द्र मानन्धरले यो विषम परिस्थितिलाई मध्यनजर गर्दै स्वदेश तथा विदेशमा रहेका आफन्तहरूसँगको सम्पर्कलाई सहज बनाउनका लागि सुविधा प्रदान गरिएको जानकारी दिए ।

ग्राहकहरूले डेटा लिन 141583# डायल गर्नुपर्नेछ भने भ्वाइस कल सुविधा लिन 141587# डायल गर्नुपर्ने टेलिकमले जनाएको छ ।

प्रवक्ता मानन्धरका अनुसार यो जानकारी सबै ग्राहकहरूको मोबाइलमा एसएमएसमार्फत पठाइएको छ ।