बागलुङ । बागलुङमा बोलेरो जिपको ठक्करबाट घाइते भएका दुई वर्षीय बालक सचिन किसानको मृत्यु भएको छ । बागलुङ नगरपालिका–३, गुठीका सचिनलाई शुक्रबार दिउँसो ४ः५० बजे ध १ च १३७६ नम्बरको जिपले गुठी बसपार्क सडकमा ठक्कर दिएको जिल्ला प्रहरी कार्यालय बागलुङका डिएसपी वसन्त पाण्डेले जानकारी दिएका छन् ।

ठक्करपछि गम्भीर घाइते बालकलाई प्रारम्भिक उपचारपछि पोखरा मणिपाल अस्पताल रिफर गरिएको थियो । तर बाटोमै अवस्था नाजुक भएपछि पर्वत अस्पतालमा लैजाँदा उपचारकै क्रममा उनको मृत्यु भएको प्रहरीले जनाएको छ ।

सवारी चालकलाई प्रहरीले नियन्त्रणमा लिएर थप अनुसन्धान अघि बढाएको डिएसपी पाण्डेले बताए ।