पोखरा ।
क्षत्री समाज कास्कीले भदौ २३ र २४ गते जेनजीको आन्दोलनका क्रममा निधन भएकाहरुप्रति श्रद्धाञ्जली व्यक्त गरेको छ ।

समाजले आइतबार विज्ञप्ति मार्फत घाइते भएकाको स्वास्थ्यलाभको कामना गर्दै परिवारजनप्रति समवेदना प्रकट गरेको छ ।

विज्ञप्तिमा आन्दोलनका क्रममा राष्ट्रिय सम्पदा, कर कार्यालय, सरकारी तथा व्यक्तिगत सम्पत्तिमा भएको तोडफोडप्रति गम्भीर चिन्ता व्यक्त गर्दै यस्तो गतिविधि गर्नेलाई खोजी गरि कारबाही गर्न माग गरिएको छ ।

समाजले २०५३ सालमा राष्ट्रिय अखण्डता र जातीय सद्भाव कायम गर्ने मूल उद्देश्यका साथ स्थापना भई निरन्तर सामाजिक, सांस्कृतिक र राष्ट्रिय हितका कार्यक्रम गर्दै आएको जनाएको छ ।

समाजले वर्तमान मन्त्रिपरिषदलाई दीर्घकालीन विकास, पुनर्निर्माण र राष्ट्रिय हितमा समर्पित हुनेगरी कार्य गर्न आग्रह गरेको छ ।