पोखरा । जेन–जी आन्दोलनलाई उक्साउने शैलीमा सामाजिक सञ्जालमा स्टाटस लेखेको आरोपमा पर्वतको फलेबास नगरपालिका–४ का वडाध्यक्ष अच्युत तिवारी पक्राउ परेका छन्।

जिल्ला प्रहरी कार्यालय पर्वतका डिएसपी रविन विष्टका अनुसार आइतबार वडा कार्यालयमै पुगेर तिवारीलाई पक्राउ गरिएको हो। विद्युत्तीय कारोबार ऐनअन्तर्गत उनलाई नियन्त्रणमा लिइएको प्रहरीले जनाएको छ।

तिवारीले सामाजिक सञ्जालमार्फत ‘बालुवा तस्कर, तस्करका संरक्षक र केही भ्रष्ट नेता–कर्मचारीलाई जेन–जीले कारबाही गरिदिन्छ कि भन्ने आशा गरेको’ भन्दै घृणात्मक टिप्पणी गरेको प्रहरीले आरोप लगाएको छ।

तिवारी फलेबास नगरपालिकाका प्रवक्ता तथा नेपाली कांग्रेस पर्वतका प्रवक्तासमेत हुन्।