गोरखा । गोरखा जिल्लाको धार्चे गाउँपालिका–३, तातोपानी ईलाकामा पहिरोका कारण अलपत्र परेका ३५ जना पर्यटकलाई नेपाली सेना र सशस्त्र प्रहरीको संयुक्त टोलीले सकुशल उद्धार गरेको छ।

गोरखाको सामा गाउँबाट माछीखोलातर्फ आउँदै गरेका २० जना विदेशी र १५ जना नेपाली गरी कूल ३५ जना पर्यटक बाटोमा पहिरो खसेपछि तातोपानीमा रोकिएका थिए।

उद्धारबारे जानकारी प्राप्त हुनासाथ नेपाली सेना र सशस्त्र प्रहरी बल, नेपाल सुरक्षा वेश आरुघाटबाट खटिएको टोलीले तत्काल घटनास्थल पुगी उनीहरूको उद्धार गरेको हो। उद्धार गरिएका सबैलाई माछीखोलातर्फ पठाइएको छ। सशस्त्र प्रहरीका सहप्रवक्ता डीएसपी शैलेन्द्र थापाका अनुसार उद्धार गरिएका सबै पर्यटकको अवस्था सामान्य रहेको छ।