पोखरा ।

पृथ्वीनारायण क्याम्पस, नेपाली विभागको विभागीय पुस्तकालयमा अन्तर्राष्ट्रिय नेपाली साहित्य समाजकी बोर्ड अफ ट्रस्टी तथा दार्जिलिङ निवासी आख्यानकार विन्द्या सुब्बाले विभागीय पुस्तकालयमै उपस्थित भएर साहित्यसित सम्बन्धित विभिन्न विधाका पुस्तकहरू हस्तान्तरण गरिन् ।

विभागीय पुस्तकालयले आयोजना गरेको पुस्तक हस्तान्तरण तथा स्वागत कार्यक्रममा विभागीय प्रमुख डा.यमनाथ तिमिल्सिनाले अतिथिलाई शब्द तथा खादाले स्वागत गरेका थिए । त्यसपछि आख्यानकार सुब्बाले नेपाली विभागको विभागीय पुस्तकालय त साहित्यकारहरूका निम्ति सितल छहारी बनेको कुरा व्यक्त गरिन् । यस्तो संस्थामा आएर विद्वत्जनसँग अन्तक्र्रियामा सहभागी हुन पाउँदा गौरव अनुभव भएको विचार प्रस्तुत गरिन् ।

उक्त कार्यक्रममा डा.पुण्यप्रसाद शर्मा, डा.श्रीधर न्यौपाने, निर्मल सापकोटालगायतका प्राध्यापक र विद्यार्थीहरूको उपस्थिति रहेको थियो भने आख्यानकार विन्द्या सुब्बाको साहित्यिक योगदानका बारेमा प्रा.डा.कुसुमाकर न्यौपानेले प्रकाश पारेका थिए ।