काठमाडौं ।
निर्वाचन आयोगले आगामी फागुन २१ गते हुने निर्वाचनको कार्यतालिका स्वीकृत गरेको छ । आयोगले आज एउटा विज्ञप्ति जारी गर्दै मंसिर १ देखि १० गतेसम्म दल दर्ता गर्ने कार्यक्रम तय गरेको हो ।

आयोगका प्रवक्ता नारायणप्रसाद भट्टराईका अनुसार, पहिलो हुने निर्वाचित हुने निर्वाचन प्रणालीका लागि माघ २ गते निर्वाचन अधिकृतको कार्यालय स्थापना गरिनेछ । यसैगरी, फागुन ३ देखि १८ गतेसम्म प्रचारप्रसारको समय तोकिएको छ भने फागुन १९ गतेदेखि मौन अवधि सुरु हुनेछ । मतदान फागुन २१ गते बिहान ७ बजेदेखि साँझ ५ बजेसम्म हुने आयोगले जनाएको छ ।

समानुपातिक निर्वाचनका लागि मंसिर १५ गते निर्वाचन अधिकृतको कार्यालय स्थापना गरिनेछ । दलहरूले पुस १८ र १९ गते समानुपातिक बन्द सूची पेस गर्ने कार्यतालिका छ ।