समाधान संवाददाता, काठमाडाैं

प्रदेश नम्बर ३ को नाम बाग्मती राख्ने प्रस्ताव पारित भएको छ।

प्रदेशसभाको आइतबार बसेको बैठकले प्रदेशको नाम बाग्मती राख्ने निर्णय सर्वसम्मतले पारित गरेको हो।

सभामुख सानुकुमार श्रेष्ठले प्रदेशको नाम बाग्मती राख्ने प्रस्तावमा एक सय ८ मत आएको बताए। प्रदेशसभामा एक सय १० सांसद भए पनि आइतबारको बैठकमा एक सय आठ जना मात्रै उपस्थित थिए।

बैठकले राजधानी हेटौंडा राख्ने निर्णय पनि गरेको छ।